Ushtria mberrin Delvinë. Pirro Vëngu se bashku me Shefin e Shtabit të Përgjithshëm të FA – Gjenerallejtënant Arben Kingji dhe drejtuesit vendorë, për të koordinuar planin e masave për izolimin e plotë të flakëve dhe rikthimin e normalitetit në qytet.

Ministri i Mbrotjes, Pirro Vengu, natën e sotme është duke e kaluar në Delvinë, aty ku situata paraqitet alrmante si pasojë e zjarreve.

Së bashku me shefin e Shtabit të Përgjithshëm të Forcave të Armatosura Gjenerallejtënant Arben Kingji dhe drejtuesit vendorë, Vengu po i qëndron mbi kokë monitorimit të zjarreve si dhe marrjen e masave për izolimin e plotë të flakëve.

Zjarri në Delvinë ka marrë përmasa dramatike, ku flakët u janë afruar disa lagjeve të qytetit, vendburimit të naftës si dhe spitalit të qytetit, duke detyruar stafin dhe pacientët të largohen me urgjencë.

Po ashtu, aty janë transferuar edhe disa prej aparaturave mjekësore të spitalit të Delvinës, përfshirë dhe bombolat e oksigjenit.

Ndërkohë me dhjetëra banorë kanë braktisur banesat e tyre dhe janë larguar me qëllim për të shpëtuar veten.

“Në Delvinë, së bashku me Shefi i Shtabit të Përgjithshëm të FA – Gjenerallejtënant Arben Kingji dhe drejtuesit vendorë, për të koordinuar planin e masave për izolimin e plotë të flakëve dhe rikthimin e normalitetit në qytet”, shkruan Vengu.