Tjetër aksident në Korçë, drejtuesi humb kontrollin dhe përplaset me shtyllën

Një aksident rrugor është regjistruar paraditen e sotme pranë fshatit Bitinckë, në bashkinë Devoll. Sipas informacioneve paraprake, dyshohet se drejtuesi i automjetit ka humbur kontrollin mbi mjetin, duke dalë nga rruga dhe u përplasur me një shtyllë anësore.

Si pasojë e përplasjes, drejtuesi ka pësuar dëmtime dhe është transportuar me urgjencë nga ambulanca drejt Spitalit Rajonal të Korçës, ku po merr ndihmën mjekësore të nevojshme.

Policia ndodhet në vendngjarje dhe ka nisur hetimet për të sqaruar shkaqet dhe rrethanat e aksidentit.