Shpërthim me TRITOL pranë BURGUT të Fushë Krujës!

Një shpërthim ka ndodhur mbrëmjen e sotme (28 maj) pranë burgut të sigurisë së lartë në Fushë-Krujë, duke shkaktuar shqetësim dhe alarm në zonë.

Fillimisht dyshohej se shpërthimi kishte ndodhur si pasojë e një defekti në një gjenerator pranë institucionit, por hetimet paraprake tregojnë se bëhet fjalë për një sasi lënde plasëse, e dyshuar si tritol.

Oficerë të Policisë së Tiranës janë nisur drejt vendngjarjes për të ndihmuar hetimet, ndërsa grupi hetimor po punon për të zbardhur rrethanat dhe motivet e mundshme të ngjarjes.

Ende nuk raportohet për të lënduar, ndërsa pritet një deklaratë zyrtare nga autoritetet në orët në vijim.