Qendra Kulturore e Fëmijëve 👫“Adem Hoxha” Gramsh në Festivalin Folklorik “Mozaik Mesdhetar 2025”

📍Qendra Kulturore e Fëmijëve 👫“Adem Hoxha” Gramsh në Festivalin Folklorik “Mozaik Mesdhetar 2025” Me falënderime të përzemërta për Kryetarin e Bashkisë Gramsh, z. Besian Ajazi, për mbështetjen e vazhdueshme dhe besimin në fuqinë e kulturës dhe të rinjve tanë, që na mundësoi të përfaqësojmë me krenari traditat tona në Festivalin Folklorik “Mozaik Mesdhetar 2025”.Një udhëtim në thellësitë e traditës dhe shpirtit tone
Nën qiellin e Tiranës, ku përqafohen era e gjerë e Mesdheut dhe frymëmarrja e maleve 🌲shqiptare, ansambli i Qendrës Kulturore të Fëmijëve “Adem Hoxha” Gramsh na çoi në një udhëtim magjik – një rrugëtim përmes tingujve të lashtë, valle të gjalla dhe këngësh që rrjedhin si lumenj kujtimesh.
Mes melodive 🎶që flasin pa fjalë, valle gramshiote u shndërrua në gjuhën e trupit, ku çdo hap ishte një rrëfim, çdo lëvizje një mallkim dhe një bekim. 💃🏻Tamburatë , bilbilat e tarabuku – të gjithë bashkë krijuan një simfoni të gjallë, një përqafim të ngrohtë të traditës që i jep jetë dhe tingull jetës sonë.
Zërat e Marsonës, Anjezës dhe Mimozës çelën dyer shpirtërore, duke kënduar këngët e dashurisë, mallëngjimit dhe forcës së gruas shqiptare. Ata shndërruan secilën notë në një përqafim të thellë, ku ndjenja dhe kujtime u bënë pjesë e çdo zemre të pranishme.
Orkestrina e Qendrës Kulturore – fryma e brezit të ri – solli në jetë meloditë autentike të Gramshit, duke ruajtur me përkushtim pasurinë shpirtërore që na lidh me rrënjët tona të lashta.
Baladat e fyellit, si thirrje të thella që ngrihen nga male të vetmuara, përshkuan skenën me heshtjen e tyre të ëmbël dhe magjike, duke mbushur hapësirën me një pasion të heshtur që prek shpirtin.
Hapat e vajzave tona, të zjarrtë dhe krenarë, ishin si heshtje që rrëfejnë histori të maleve, dhe zërat e Elisës dhe Olesiës , krijuan ura që lidhën të kaluarën me të ardhmen, në një vallëzim ku çdo frymë është e gjallë.
Në këtë festë madhështore të folklorit, “Mozaik Mesdhetar 2025”, fëmijët e Gramshit sollën më shumë se këngë e valle – sollën copëza të shpirtit të tyre, një thirrje të fuqishme për të ruajtur dhe për të trashëguar pasurinë e madhe kulturore që lidh brezat dhe ndriçon rrugën tonë përpara.
🙏Në fund të Festivalit “Mozaik Mesdhetar” Tiranë 2025 Ansambli i QKF”A. Hoxha “Gramsh mes 12 grupeve konkuruese rrëmbeu çmimin e parë si Orkestrina më e mirë”.
Faleminderit nga zemra organizatorëve të AL FORUM dhe zotit Haxhi Balliu, për mundësinë dhe mbështetjen e tyre të pakursyer, që na bënë pjesë të këtij mozaiku të bukur kulturor, ku tradita shqiptare dhe ajo mesdhetare bashkëjetojnë në një melodi të përjetshme.