Gramsh/ Një aksident rrugor ka ndodhur pasditen e sotme pranë fshatit Çekin

Henkoja raporton për një aksident rrugor të ndodhur pasditen e sotme pranë fshatit Çekin, në kthesat e njohura përgjatë aksit Çërrik–Gramsh.

Një automjet tip Audi ka humbur kontrollin, është përplasur me bordurën anësore të rrugës dhe ka bërë disa rrotullime, duke pësuar dëmtime të mëdha materiale.

Ende nuk ka informacion të konfirmuar për persona të plagosur. Në vendngjarje kanë mbërritur forcat e policisë, të cilat kanë nisur hetimet për të zbardhur rrethanat e aksidentit.