Banorët në panik/ Zjarr i fuqishëm në Gramsh, situata del jashtë kontrollit, flakët përhapet drejt fshatit Snosem

Një zjarr i fuqishëm ka përfshirë në zonën e Vgjeshtës në fshatin Sojnik njësia a,d ,m Kukur pasditen e djeshme , sot kanë dalë jashtë kontrollit duke u përhapur me shpejtësi drejt territorit të fshatit Snosem.

Flakët, të ndihmuara nga era dhe thatësira, janë afruar rrezikshëm pranë banesave në fshatin Snosëm . Florenc Sene, një banor i zonës, ka telefonuar në redaksinë e Fax News për të bërë një apel të fortë për ndihmë.“Zjarri është shumë i madh. Çdo orë po afrohet gjithnjë e më shumë te shtëpitë tona. Kemi frikë për jetën dhe pasurinë. Ju lutem, na ndihmoni!”, – tha ai në një lidhje telefonike.