Rama e shkarkoi nga ministër i Drejtësisë, reagon Ulsi Manja: Nuk është largim, por rikthim në “shtëpi”

Pas vendimit të kryeministrit Edi Rama për të mos e emëruar sërish ministër të Drejtësisë, Ulsi Manja ka reaguar duke e cilësuar këtë lëvizje si një “rikthim në shtëpinë e tij natyrale”, Komisionin e Ligjeve, të cilin do ta drejtojë.

Ai theksoi se nuk bëhet fjalë për një largim, por për një vijim të angazhimit të tij në një tjetër rol me rëndësi institucionale dhe politike.

Ulsi Manja: “Rikthehem në shtëpinë time. Kënaqësi që do t’ia dorëzoj detyrën një njeriu dhe një djali të mrekullueshëm me kontribute të shkëlqyera në procesin e integrimit të Shqipërisë. Nuk është largim, është rikthim në shtëpinë time natyrale në komisionin e ligjeve”.