𝐃𝐮𝐫𝐫𝐞̈𝐬/ 𝐑𝐚 𝐧𝐞̈ 𝐤𝐨𝐧𝐭𝐚𝐤𝐭 𝐦𝐞 𝐫𝐫𝐲𝐦𝐞̈𝐧 𝐞𝐥𝐞𝐤𝐭𝐫𝐢𝐤𝐞, 𝐡𝐮𝐦𝐛 𝐣𝐞𝐭𝐞̈𝐧 𝟒𝟑-𝐯𝐣𝐞𝐜̧𝐚𝐫𝐢

Një ngjarje tragjike ka ndodhur mëngjesin e sotëm në lagjen nr. 6 të qytetit të Durrësit, ku një person ka humbur jetën si pasojë e kontaktit të dyshuar me rrymën elektrike.

Sipas informacionit paraprak të bërë publik nga policia, ngjarja ka ndodhur rreth orës 07:15, ku shtetasi B. K., 43 vjeç, ka rënë në kontakt me energjinë elektrike. Për pasojë, ai ka ndërruar jetë në vend.

Aktualisht, grupi hetimor ndodhet në vendngjarje dhe po punon për të zbardhur rrethanat e plota të incidentit.

Njoftimi:

Durrës/Informacion paraprak
Rreth orës 07:15, në lagjen nr. 6, Durrës, shtetasi B. K., 43 vjeç, dyshohet se ka rënë në kontakt me rrymën elektrike dhe për pasojë ka humbur jetën.

Grupi hetimor ndodhet në vendngjarje dhe po punon për sqarimin e rrethanave të ngjarjes.